Mirek Szołtysek

Z Nonsensopedii, polskiej encyklopedii humoru
To jest najnowsza wersja artykułu edytowana „18:22, 22 lis 2021” przez „RichtiśŚlōnzŏk (dyskusja • edycje)”.
(różn.) ← przejdź do poprzedniej wersji • przejdź do aktualnej wersji (różn.) • przejdź do następnej wersji → (różn.)

Mirek Szołtysek – ślōnski zinger, lider manszaftu „Mirek Szołtysek i Wesołe Trio”, co z nim śpiywŏ ślōnske szlagry.

Mirek Szołtysek je fajnym karlusym, keremu przajōm ōmy i baby uber fynfziś w cołkim Ślōnsku. Dlŏ chopōw mŏ ôn we skupinie gryfne frele, kere – jako ôn śpiywŏ – machajōm kiecami. Mirek śpiywŏ ô przaniu, matce i ô tym, jak ôn kochŏ swoje libsty, kere mogły by być ônego cerami. Ze swoim manszaftem rajzuje po Ślōnsku i auslandach – bōł nawet we Zjednoczōnych Sztatach i we Sosnowcu.

Mirek mŏ fajnõ klatã, na keryj rosnōm wosy. Klatã tã dycki pokazuje, jak śpiywŏ we Dōmu Muzyki i Tańca we Hindynburgu, kaj przichodzōm ōmy i Telewizja Katowice. Niyskorzij ta telewizyjŏ to pokazuje, a inksze ōmy w chałpach dostŏwajōm hercszlagu.

Mirka mogymy ôbŏczyć tyż we „Ślōnskim Kōncercie Życzeń”, kaj gŏdŏ ôziymdziesiyncioletnij Gertrudzie z Chebzia skuli gyburstagu tak:

W dniu twych urodzin niech u Ciebie zagości
moc słów pełnych blasku i miłości
Niech twoi bliscy zawsze o Tobie pamiętają
i ciepłem rodzinnym Ciebie otaczają.

Jak Gertuda usłyszy takõ gŏdkã, dostŏwŏ hercklekotu i może niy doczkać kolyjnego gyburstagu.